الجمعة، 29 أغسطس 2008

مقدمة لا بد منها



لماذا هذه المدونة ؟


هى محاولة قد تكون فقيرة منى لتسجيل الواقع المؤلم الذى نعيشة .. هى محاولة قد تكون غير مجدية أو مجدية فى إدانة نظام باطش و دولة متغطرسة .. هى قصص لمواطنين مصرين .. فقط كل الذى يجمعهم انهم مصريون ..مصريون سواء شرفاء او اوساخ .. ولكنهم نتاج النظام الحالى والدولة القائمة

مصريون غرقى او حرقى .. او شرفاء لا يرضون بالاستبداد ولا يرجون غير الحق مطلبا ومقصدا

قصصا تروى حكايات الهؤلاء جميعا

قل عنها قصصا او غير ذلك لا يعنينى المسمى كثيرا

فكما يقول الدكتور رشاد رشدى فى كتابه فن القصة القصيرة

"مثل هذه القصص الخالية من المعنى هى فى الحقيقة اقرب الى التاريخ منها الى الادب ولذلك فنحن نسميها قصصا تسجيلية لانها تكتفى بتسجيل الحوادث تماما كما تفعل كتب التاريخ ومهما كان ذلك التسجيل أمينا أو متقنا فانه لا يكفى وحده لان يجعل منها قصصا بالمعنى الصحيح لان كاتب القصة غير كاتب التاريخ لا يصور الحدث من اجل الحدث نفسه بل لان هذا الحدث يعنى بالنسبة له شيئا معينا"

نعم سيد رشدى لا ادعى ان تلك قصصا بالمعنى المالوف ولا يعنينى تسميتها

ولكنها أولا و أخيرا محاولة لادانة الظلم فى كلمات

سمها عزيزى القارئ ما شئت لكنى افضل ان اقتبس عنوان للاستاذ الجميل ابراهيم عيسى فى احد مقالاته حينما كتب قصة من الواقع الخيالى (أو) من الخيال الواقعى وها انا اكتب الان قصصا من الواقع الخيالى (و) من الخيال الواقعى

شكرا لاستاذ ابراهيم عيسى ملهمى عنوان المدونة

شكرا لاخويا حاتم من اشار على ان اجمع القصص التى كتبتها فى كتاب وانشره وها انا ذا انفذ اقتراحه بصوره اخرى

شكر لبرنامج الحقيقة ومقدمه الاستاذ وائل الابراشى لما قدمه لى من قصص واقعية خيالية

شكر لدماغ خالد كساب اللى عملت منى اللى انا فيه دلوقتى

وشكر مقدما لكل واحد هايدخل المدونة ويسيب تعليقات


احمد شاهين
28 أغسطس 2008

هناك 23 تعليقًا:

Noha El-arabi يقول...

يا رب اكون اول تعليق
يا رب
يا رب
شوف يا ابو حميد
هاتشي
سوري انت عارف الحالة الصحية
الف مبروووووووووووووووووك علي المدونة و ان كنت اتمني انها متكنش ايذانا يتركك فكرة التدوين الجماعي
منتظرة كل كلمة و كل فكرة حتقولها عشان اكيد حنتشارك فيها سويا
اعتراض صغير خارج النص: مش خالد كساب و لا ابراهيم عيسي هما اللي عملوا دماغنا
و ان كان ليهم كل الشكر بس احنا كده نتاج لحاجات كتيييييييييير اوي
صباحك زي الفل
:)

Abu Shahin يقول...

انتى بكده يا نهى طبعا دخلتى التاريخ من اوسع ابوابه بكونك اول واحدة تعلق على البلوج
:)
والف سلامة عليكى اينعم انا عارف الحالة الصحية

والله يبارك فيكى
ولا طبعا طبعا طبعا مش ايذانا ولا حاجة بتركى للتدوين الجماعى
صحبة عيش وحلاوة ماتتعوضشى يا نهى
انا مستمر ان شاء الله ف التنين وربنا يعينى

ومشتكرين على اهتمامك يا نهى

وداخل النص بقى يا نهى
خالد كساب هو اللى عمل دماغى

صباحك زى الورد

Amgad يقول...

جميل انك تستقل بذاتك
وان كنت هايل في لجماعي
بس البداية جامده اوي
ومش عايزينك تقف بقي
لولا ان دماغ خالد كساب داخلة في تكوينك
كنت قولت عليك شخص محصلش
خالص تحياتي
علي فكرة التاكيد علي التعليقات بتخلي الناس تكسل تعلق

Abu Shahin يقول...

منور المدونة يا امجد

والمصحف الشريف والمصحف الشريف ما استقلال بالذات اروح انزل بوست ف عيش وحلاوة دلوقتى يعنى عشان تصدقوا
:)

الموضوع ان المدونة هنا هاتتكلم عن فكرة واحدة بس
قصص مصرية
هناك انا باكتب كل اللى ف نفسى
يا جدعان صحبة عيش وحلاوة ماتتعوضشى والله

وشكرا اوى يا امجد على اثنائك عليا
وعلى فكرة انت كاتب هايل بجد

انت اللى لولا كلمتك عن خالد كساب دى اللى كنت هاقول عليك شخص ماحصلش
:)

شكرا اوى يا امجد

أبو الفـــداء يقول...

مدون جديد ...

تنطلق في فضاء التدوين الرحب فمرحبا...

ومبروك على المدونة...

عجبتني أوي الكلمات دي :"قصص من الواقع الخيالى ومن الخيال الواقعى "

شكرا

Sumaya Rabie يقول...

هو ده آه مش أول تعليق بس ده أول تعليق عيش حلاوي
كده يا شاهين تسيبنا واحنا اللي كنا معتبرينك مثلنا الأعلى وشايفين فيك كل حاجة كويسة
بغيـــظك
هو انت تقدر تسيبنا أصلا يابني احنا زي مصر بظبط ما تقدرشي تبعد عنها مهما تعمل فيك

مبروك يا شاهين على المدونة وفكرتها كويسة أوي و"دفتر احوالنا" إسم قوي والبوست الأولاني بداية موفقة

إنما ما شاء الله يعني تتحسد رشاد ورشدي وفن كتابة القصة القصيرة وقبل كده مجلة ألمانية .... خايفة مرة تستشهد بمجلة من سيريلانكا على اعتبار انك بتقر كل المجلات

مبروك

Mostafa يقول...

alf mabrook yabu shahin 3al fekra l gamda de w tool ma l modwna bttklem 3n l noo3 da mel kesas yb2a 3omrak ma 7tbatal ktaba isa........mawdoo3 khalid kasab da an amsh 7arod 3aleek b2a 3shan enta 3aref :) enma 3mna ibrahim 3eesa da m3allem kbeer awi w m7dsh y2dr y2ool 3aleeh bemm......mabrook tani ya wad

Ahmed Mostafa يقول...

اذن
شعاري المرحلة القادمة

انا راشق

مبرووووك يا بو شاهين

Abu Shahin يقول...

@ ابو الفدا
منورنى والله يا باشا
بس انا مش مدون جديد
المدونة اللى جديدة
هاتلاقينى موجود فى المدونة اللى زى الفل عيش وحلاوة
والشكر ده واجب لاستاذ ابراهيم عيسى هو صاحب الاسم
نورتنى يا ابو الفدا

Abu Shahin يقول...

@ سمية
ردا على اول رسالتك .. انا مش هارد عليكى

والله يبارك فيكى يا سمية وشكرا على الاشادة بالفكرة وبالاسم

وبالنسبة للدكتور رشاد رشدى والمجلة الالمانية .. فده اقل حاجة عندى

وبالنسبة للسيريلانكية .. انا مارضيتش اقول خوفا على شعور الزملا


أغلى تعليق لانه اول تعليق عيش حلاوى

Abu Shahin يقول...

الله يبارك فيك يا مصطفى

والموضوع ده بجد موضوع متعب مش سهل ولا حاجة

انك تكتب عن الم الناس ومعاناتهم وتحس ف وقت م الاوقات انك بتاجر بالامهم .. ده احساس وحش جدا .. والاحساس ده هو اللى يمكن مايخلنيش اكمل .. ادعى لى بقى اكمل

وبالنسبة لخالد كساب يا جدعان الراجل ده لحم دماغى من خيره .. و مش شرط يكون تاثيره ف دماغ الاخرين زى تاثيره ف دماغى

الله يبارك فيك تانى يا معلم

Abu Shahin يقول...

@ احمد افندى

ربنا يخليك يا كبير

وليكن شعارى انا الاخر

انا شاكر ليك ولكل شخص عيش حلاوى على وجه الكرة الارضية

الله يبارك فيك يا معلم

فاوست يقول...

مبروك يا احمد ومعلشي لو كنت ناسيك شويه انت عارف هم الحياه اللي انا فيه وعلى العموم .....بيس

Abu Shahin يقول...

الله يبارك فيك يا زعيم

وانا باسعد بتعليقاتك جدا

مصطفى فتحي يقول...

جيت اشكرك على تعليقك في مدونتي
وتقدر تستعين بأي موضوع من موضوعاتي
:)

سعيد بيك
وبتمنالك كل التوفيق
:)

Abu Shahin يقول...

ربنا يخليك يا مصطفى

انا اللى سعيد بمعرفتى بيك

والله يبارك فيك يا زعيم

واستمر فى محاربتك لكل تيار غبى

دعـاء عـلى يقول...

مبروك على الافتتاح الكبير و مبروك تانيه على دخولك عالم التدوين (:
كل سنه و انت طيب و رمضان كريم عليك
ان شاء الله أكون من زوارك الدائمين و مستنيين انفجار البوستات القادم (:
متتأخرش علينا بقه ... سلام

Unknown يقول...

السلام عليكم ورحمة الله وبركاته
نحن بالانتظار
ماتطولش علينا

Abu Shahin يقول...

@دعاء على
الله يبارك فكى
وكل سنة وانتى طيبة
ورمضان كريم علينا وعليكى
وأتمنى تكونى من زوارى الدائمين .. ده يبقى شرف ليا
والبوست القادم إن شاء الله على الابواب

Abu Shahin يقول...

@نوراهاتى
وعليكم السلام
مش هاطول عليكوا ان شاء الله
البوست القادم على الابواب

SuPeR_mAz يقول...

كل رمضان و انت اقرب الى الله
مبروك
كل سنة و انت اعقل
=====================
يعنى رمضان كريم و مبروك على الدفتر و كل سنة و انت طيب عشان عيد ميلادك...هى دى اللحظات اللى الواحد يبارك فيها

يعنى احلى سلام ...لاحلى مدون لاحلى تانى مدونة (طبعا عيش و حلاوة احلى) لاحلى موضوع يتكتب عنه و سمعنى سلام هاودعك من اول قفا....
شكلك كده هاتسبقنا كلنا يا شاهين و تاكل العيش و الحلاوة لوحدك و منى تكلمك بقى
مين كساب ده...باينه كده بتاع كبده و مخ عشان لحمد دماغك من خيره
P:
بغيظك بردو...و انا عايز اقول حاجة لكل قارئى المدونة

احمد شاهين من اكثر الناس اللى شفتها شبها لاحمد عز فى وشه

Abu Shahin يقول...

يا معتز يا مصيطنى

وانت طيب يا كبير
بس ايه كل سنة وانت اعقل دى
اسحبها بعد اذنك

وبعدين يا معتز .. انتوا تهونوا عليا برضه .. أكيد هاجيبكوا معايا عند منى .. انت عارف ده حلم حياتنا من سنين اننا نظهر معاها

وبعدين كساب ده اللى هو الراجل ابو شعر .. كده عرفته
:)
بس هو بالنسبة لى الراجل ابو دماغ نضيفة

shimaa semary يقول...

اولا المدونه جميله جدا وفعلا احنا محتاجين لقصص عن الخيال الواقعى اللى احنا فيه
ثانيا مبروك وهى المفروض كانت قبل اولا بس مبروك ليك ولينا على ان فى لسه ناس بتكتب وبتوصل للناس الصوره صح سواء انت او غيرك من الشباب اللى لقى فرصه واللى نفسه فى فرصه ..
ثالثا انا مش بحسد بس فعلا الواحد نفسه يبقى زيك زى المبدعين اللى فى عيش وحلاوه والاساتذه الكبار
رابعا واخيرا ..معلش طولت ...
بعد 21 وهى عمرى ومن واقع خبرتى الكبيره p:...ان (الحياه كلمه)...
وفى تقدم مستمر والى الامام ان شاء الله